The RCT Source

Mae modd i chi naill ai wylio'r fideo defnyddiol yma, neu ddarllen cyngor y garfan isod.

Os ydych chi'n gweithio i Gyngor Bwrdeistref Sirol Rhondda Cynon Taf ac mae gyda chi gyfeiriad e-bost personol RCTCBC.gov.uk, mae modd i chi fewngofnodi'n awtomatig gan ddefnyddio dull mewngofnodi sengl. Mae modd gwneud hyn trwy glicio'r botwm "Mewngofnodi" yng nghornel dde uchaf yr hafan. Bydd hyn yn agor bocs mewngofnodi, lle bydd angen i chi ddewis yr opsiwn uchaf: 'Os oes gyda chi gyfeiriad e-bost personol Cyngor RhCT a gliniadur a roddwyd gan y Cyngor'. Yna, byddwch chi'n cael eich mewngofnodi'n awtomatig, cyn belled â'ch bod yn defnyddio'ch gliniadur a roddwyd gan y Cyngor ac wedi'ch cysylltu â'r VPN.

Os nad ydych chi'n gweithio i Gyngor RhCT neu heb gyfeiriad e-bost Cyngor, mae modd gwneud cais i ailosod eich cyfrinair gan ddefnyddio'r cyfeiriad e-bost sydd wedi'i gofrestru - Mae modd gwneud hyn drwy glicio ar y botwm "Mewngofnodi" yng nghornel dde uchaf yr hafan. Bydd hyn yn cyrchu'r bocs mewngofnodi, dewiswch yr opsiwn "Wedi anghofio'ch enw defnyddiwr neu gyfrinair?" . Rhaid bod gyda chi'r cyfeiriad e-bost sydd wedi'i gofrestru gyda RCT Source er mwyn cyrchu'r ddolen sydd wedi'i hanfon i chi i ailosod eich cyfrinair.  Eich cyfeiriad e-bost personol rydych chi wedi'i roi i'r Cyngor/Adnoddau Dynol i'w ddefnyddio fydd hwn.

Os ydych chi'n cael trafferth yn defnyddio'r swyddogaeth ailosod cyfrinair, ffoniwch 0345 074 4114,  sef desg gymorth Learning Pool, a bydd modd i’r swyddogion helpu. Dyma wasanaeth sydd ar gael bob awr o bob dydd.

Os ydych chi'n aelod o staff sy'n cael eich talu trwy gyflogres Rhondda Cynon Taf, bydd eich cyfrif wedi'i sefydlu'n awtomatig i chi. Fel arfer, mae'n cymryd tua wythnos, ond weithiau hyd at bythefnos, i gofrestru.

Os ydych chi'n allanol, yn gweithio i ni ar ran sefydliad partner, neu staff asiantaeth, bydd angen cyfrif arnoch chi wedi'i greu gan garfan RCT Source. Bydd angen i chi neu'ch rheolwr lawrlwytho ffurflen defnyddiwr newydd YMA . Cwblhewch y ffurflen a'i hanfon at thesource@rctcbc.gov.uk.

Ar y ddau achlysur, pan fydd cyfrif dysgu RCT Source wedi'i sefydlu, byddwch chi'n derbyn e-bost croeso gyda'ch manylion mewngofnodi.

Mae modd i chi naill ai wylio'r fideo defnyddiol yma, neu ddarllen cyngor y garfan isod.

Os ydych chi'n gweithio i, neu ar ran Cyngor Bwrdeistref Sirol Rhondda Cynon Taf (ac eithrio staff addysgu ysgolion), mae modd dod o hyd i'ch holl Ddysgu Gorfodol trwy glicio'r botwm "Dysgu Gorfodol", sydd wedi'i leoli ar yr hafan pan fyddwch chi'n mewngofnodi i RCT Source.

Fel arall, mae modd clicio ar y tab "Fy Nysgu" sydd wedi'i leoli tua ochr dde uchaf y sgrin. Bydd hyn yn mynd â chi i'ch dangosfwrdd dysgu personol, lle mae modd i chi olrhain eich holl gynnydd.

Os ydych chi'n gweithio mewn ysgol sy’n rhan o Gyngor Rhondda Cynon Taf neu gyda chyflogwr gwahanol, gallwch chi siarad â'ch Pennaeth neu Reolwr i ddarganfod pa fath o ddysgu sydd angen i chi ei gwblhau.

Mae modd i chi gael mynediad at holl ganllawiau a ffurflenni polisïau a ffurflenni AD Rhondda Cynon Taf ar RCT Source. Pan fyddwch chi wedi mewngofnodi, maen nhw i'w gweld trwy glicio'r botwm "Polisïau, Canllawiau a Ffurflenni" ar y dudalen hafan.

Pan nad ydych wedi mewngofnodi, maen nhw i'w gweld trwy glicio'r botwm "Polisïau A-Z" a "Canllawiau a Ffurflenni" ar y dudalen hafan.

Mae modd lawrlwytho pob un ac maen nhw ar gael trwy'r dydd pob dydd.

Mae modd dod o hyd i bolisïau eraill ar fewnrwyd y Cyngor, INFORM.

Mae modd i chi naill ai wylio'r fideo defnyddiol yma, neu ddarllen cyngor y garfan isod.

Os nad yw'ch cynnydd yn edrych fel y dylai, gallwch chi fynd yn ôl i'r modiwl ei hun a gwirio bar cynnydd y cwrs. Mae modd dod o hyd i'r bar ar frig y dysgu a dadansoddiad o unedau ar yr ochr dde. Os yw darn o'r bar ar goll neu'n ymddangos yn wyn, ni fydd y dysgu yn cael ei farcio fel uned wedi'i gwblhau, sy'n eich atal rhag symud ymlaen o fewn y dysgu neu rhag dangos y cwrs fel wedi'i gwblhau.

Os dydy'r wybodaeth dal ddim yn ymddangos, mae manylion cyswllt uniongyrchol y garfan gywir ar gael ar dudalen y cwrs ar gyfer y rhan fwyaf o'r modiwlau e-Ddysgu.

Weithiau efallai y bydd angen amser ychwanegol ar y system i ddiweddaru, fodd bynnag, os ydy’ch cynnydd chi'n dal i ymddangos yn anghyflawn ar ôl cyfnod o 24 awr, cysylltwch â'r ddesg gymorth Learning Pool ar 0345 074 4114.

Mae modd i chi naill ai wylio'r fideo defnyddiol yma, neu ddarllen cyngor y garfan isod.

Dewiswch y cwrs rydych chi am ofyn am estyniad ar ei gyfer, yma fe welwch chi ddolen yn nodi "Gofyn am Estyniad" ar frig y dudalen, bydd angen i chi fewngofnodi i allu gweld hyn. Cliciwch ar yr opsiwn yma a chwblhewch yr wybodaeth ofynnol. Yna, bydd eich rheolwr yn cael gwybod am eich cais am estyniad dysgu drwy e-bost a bydd modd iddyn nhw ymateb i roi gwybod a ydych chi wedi cael caniatâd ac estyniad ai peidio. Bydd angen i'ch rheolwr fewngofnodi i dderbyn neu wrthod eich cais. Ar ôl i'ch rheolwr adolygu eich cais, byddwch chi'n derbyn e-bost sy'n cysylltu'n ôl at RCT Source sy'n eich hysbysu o'r penderfyniad. Os cewch chi estyniad, bydd dyddiad cau newydd yn cael ei osod.

Os ydych chi'n ceisio cael mynediad i RCT Source drwy Ddull Mewngofnodi Untro, ond ei fod yn nodi nad oes gyda chi gyfrif gyda Moodle, mae'n bosibl bod ambell reswm dros hyn.

1. Mae'r system yn cydnabod bod gyda chi gyfeiriad e-bost CBSRhCT, ond dydy eich proffil ddim yn weithredol eto. Os ydych chi'n ddechreuwr newydd, nodwch fod modd iddi gymryd hyd at 2 wythnos i'ch proffil RCT Source gael ei sefydlu.

2. Mae gennych chi gyfrif ar RCT Source ond mae o dan gyfeiriad e-bost gwahanol. Rydyn ni'n derbyn ein gwybodaeth ar gyfer creu proffiliau yn uniongyrchol drwy iTrent, felly os na chawsoch chi gyfeiriad e-bost CBSRhCT ar unwaith pan ddechreuoch chi, efallai y bydd cyfrif yn cael ei sefydlu gyda'ch cyfeiriad e-bost personol. Os ydych chi'n meddwl mai dyma'r broblem, e-bostiwch thesource@rctcbc.gov.uk i newid eich cyfeiriad e-bost ar y cyfrif.

3. Mae eich enw wedi newid a dydy'r system ddim yn adnabod yr enw newydd oherwydd ei fod yn dal i fod wedi'i gofrestru o dan eich enw blaenorol. Os felly, bydd angen i chi ofyn i'r garfan ddiwygio hyn drwy e-bostio The Source yn uniongyrchol - thesource@rctcbc.gov.uk

4. Rydych chi'n ceisio cael mynediad drwy ddull mewngofnodi untro ond does dim hawl gyda chi i wneud hynny. Dim ond staff corfforaethol sydd â'r hawl i ddefnyddio'r dull yma, mae angen i chi gael cyfeiriad e-bost CBSRhCT cyfredol a chael mynediad i'r wefan trwy ddyfais a roddwyd gan y Cyngor.

Os ydych chi'n cymryd rhan mewn unrhyw gyrsiau neu hyfforddiant sy'n ymwneud â Gofal Cymdeithasol, gallwch gysylltu â'r garfan yn uniongyrchol ar hyfforddiantgofalcymdeithasol@rctcbc.gov.uk. Bydd y garfan yn fwy na pharod i'ch helpu gyda'ch ymholiad.

Mae modd i chi naill ai wylio'r fideo defnyddiol yma, neu ddarllen cyngor y garfan isod.

Os ydych chi wedi cadw lle ar gyfer unrhyw hyfforddiant neu gyrsiau wyneb yn wyneb, neu'r rhai drwy Microsoft Teams ar RCT Source, ond bod angen i chi ganslo, ewch yn ôl i'r dudalen y defnyddioch chi i gadw'ch lle. Byddwch chi'n gweld bod botwm "Canslo" wedi ymddangos yn lle'r botwm i gadw lle. Cliciwch ar y botwm yma a dilyn y camau priodol. Unwaith y bydd lle wedi'i ganslo, byddwch chi'n derbyn e-bost sy'n cadarnhau hynny.

Os ydych chi'n rheolwr sy'n croesawu aelod newydd o staff, bydd angen i chi ystyried y ddau bwynt isod.

1. Os bydd eich aelod newydd o staff ar gyflogres RhCT, ac ar iTrent, does dim angen i chi wneud dim, bydd yr holl broffiliau'n cael eu creu'n awtomatig trwy'r broses integreiddio ag iTrent. Rydyn ni'n cynnal diweddariad wythnosol gydag unrhyw wybodaeth newydd a gawn gan iTrent; bydd eich aelod newydd o staff wedi'i gynnwys ar un o'r rhestrau yma fel bod modd sefydlu cyfrif ar ei ran yn awtomatig. Unwaith y bydd proffil ar waith, bydd yr aelod o staff yn cael e-bost sy'n nodi'r camau nesaf. Mae modd i hyn gymryd hyd at bythefnos o ddyddiad cychwyn yr aelod newydd o staff.

2. Os nad yw eich aelod newydd o staff yn mynd i fod ar gyflogres RhCT, ac yn dod o asiantaeth, cwmni allanol, intern ac ati, bydd angen creu proffil â llaw. I wneud hyn, mae modd i chi gysylltu â thesource@rctcbc.gov.uk a bydd ffurflen gychwyn defnyddiwr newydd yn cael ei hanfon atoch i'w chasglu. Ar ôl ei llenwi hi, byddwch yn ei hanfon yn ôl a bydd aelod o'r garfan yn creu proffil ar y system ar gyfer yr aelod newydd o staff. Unwaith y bydd proffil ar waith, bydd y defnyddiwr yn cael e-bost i esbonio'r camau nesaf.

Os ydych chi'n credu y dylai aelod o staff gael proffil wedi'i greu ond dydy hyn ddim wedi'i gadarnhau eto, mae modd ffonio desg gymorth Learning Pool ar 0345 074 4114 i wirio hyn a chael y manylion priodol.

Os ydych chi'n bwriadu newid manylion ar y system, fel enwau neu gyfeiriad e-bost ac ati, mae modd e-bostio The Source yn uniongyrchol: thesource@rctcbc.gov.uk. Bydd modd i aelod o'r garfan eich helpu i sicrhau bod yr wybodaeth gywir yn cael ei harddangos ar eich proffil.

Os ydych chi wedi newid swydd a/neu newid rheolwr, bydd yr wybodaeth yma'n cael ei diweddaru'n awtomatig unwaith y bydd y system yn derbyn yr wybodaeth gywir gan iTrent.