Pam defnyddio ffynonellau academaidd?
Mae ffynonellau academaidd yn darparu gwybodaeth gredadwy, seiliedig ar dystiolaeth, sy'n ategu gwneud penderfyniadau gwybodus. Yn wahanol i gynnwys gwe cyffredinol, mae ymchwil academaidd yn:
- Cael ei adolygu gan gymheiriaid, i sicrhau ansawdd a chywirdeb.
- Eang, ac yn cynnig dyfnder a dadansoddiad manwl.
- Ddibynadwy, gan ei fod yn seiliedig ar ddata cadarn a dulliau trylwyr.
Am beth ydych chi'n gallu defnyddio ymchwil academaidd?
Mae defnyddio ffynonellau academaidd yn gallu cryfhau adroddiadau, prosiectau, asesiadau risg a pholisïau gyda thystiolaeth ddibynadwy.
Mae ymchwil academaidd yn rhan hanfodol o'r Gacen Dystiolaeth – gan gyflwyno canfyddiadau ymchwil o brifysgolion a sefydliadau sy'n tynnu sylw at arfer da ac yn helpu i lywio gwaith cynllunio, cyflwyno a gwerthuso gwasanaethau ac ymyriadau lleol.
