The RCT Source

Amlinelliad pwnc

• Rydyn ni'n falch o gyflwyno ein Gwefan Cyfathrebu Mewnol ar SharePoint – dyma wefan bwrpasol lle mae modd i staff Rhondda Cynon Taf drin a thrafod, ymgysylltu â, a chyfrannu at waith y Cydweithrediad Ymchwil ar Benderfynyddion Iechyd (CYBI).

  Mae'r wefan yma wedi'i llunio i gefnogi cyfathrebu cyson â holl staff Cyngor Rhondda Cynon Taf, gan ddarparu man canolog lle mae modd dod o hyd i’r newyddion diweddaraf adnoddau a chyfleoedd sy'n gysylltiedig â'r CYBI. Mae'n chwarae rhan hanfodol wrth rannu crynodebau tystiolaeth, papurau gwybodaeth, cyfleoedd hyfforddi, a’r newyddion diweddaraf am brosiectau- bwriad hyn yw helpu i sicrhau bod staff yn effro i’r newyddion diweddaraf , yn dod yn rhan o bethau, ac yn gysylltiedig â dull y Cyngor o ran gwella deilliannau ein cymuned, sy'n seiliedig ar dystiolaeth.

   🧭 Beth sydd ar y wefan? 

   
• Mae’r wefan yn cael ei datblygu o hyd ond dyma ganllaw cyflym am yr hyn bydd modd i chi ei wneud ar ein gwefan:
• Dysgu am y CYBI, pam ei fod yn bwysig, a sut mae'n cefnogi gweledigaeth y Cyngor.
• Dysgu am gyrsiau a sesiynau datblygu sydd ar ddod i feithrin eich sgiliau ymchwil a thystiolaeth.
• Cael mynediad at ddogfennau, templedi a chanllawiau allweddol i gefnogi eich gwaith.
• Cael mynediad at ein Storfa Ddata, ein canolfan ganolog o ffynonellau data dibynadwy.
• Cael yr wybodaeth ddiweddaraf am y cyhoeddiadau, gweithdai a cherrig milltir y prosiect.
• Deall strwythur y CYBI a phwy sy'n rhan ohono, gan gynnwys:
• Y Bwrdd Goruchwylio Strategol 
• Grŵp Cyflawni Gweithredol
• Ein Partneriaid
• Dysgu rhagor am sut y mae modd i garfan CYBI gefnogi eich gwasanaeth neu brosiect.
• Mynd i'r afael â chwe maes gwaith craidd y CYBI.
• Dysgu sut i godi cwestiwn ymchwil neu gynnig prosiect.
• Trin a thrafod pa brosiectau a gweithgareddau sydd eisoes ar y gweill a sut maen nhw'n gwneud gwahaniaeth.
• Cyflwyno eich syniadau neu gwestiynau yn uniongyrchol i garfan y CYBI.
• Cael mynediad at ddata a thystiolaeth leol i lywio eich gwaith.
• Gweld beth yw barn cydweithwyr am ddefnyddio tystiolaeth yn ymarferol.
• Bwrw golwg ar ein rhestr termau,   Cwestiynau Cyffredin a Chymorth 

Bwriwch olwg ar y Wefan Cyfathrebu Mewnol nawr a dysgu sut y mae modd i chi elwa o'n gwasanaethau. 

🔗 Gwefan Cyfathrebu Mewnol CYBI Rhondda Cynon Taf