7 i 9 awr – dyna faint o gwsg mae unigolion i fod i'w gael bob nos yn ôl yr argymhelliad. Dyna tua thraean o'n bywyd ni!
Ynghyd â bwyta, yfed, ymarfer corff ac anadlu, mae cysgu yn un o'r hanfodion ar gyfer cynnal iechyd meddwl a chorfforol da. Felly, mae pwysigrwydd cwsg yn amlwg. Ond, dengys arolwg yn 2018 nad yw dros 50% o bobl ledled y byd yn cael digon o gwsg!
Yn RhCT, dangosodd ein canlyniadau Lles gyda Cari i ni fod 63% o staff Cyngor RhCT yn meddwl am y gwaith cyn cwmypo i gysgu.
Yn y sesiwn hon byddwn ni'n edrych i mewn i gysgu'n
dda, rhesymau
am broblemau cwsg, a sut y gallwn ni gysgu'n well. Yn union fel mae ein diet ac ymarfer corff yn bwysig, mae cwsg yn beth hanfodol sy'n caniatáu i'n corff a'n meddwl gael nerth newydd. Mae cwsg da yn helpu'r corff i gadw'n rhydd o afiechydon ac yn helpu i reoleiddio ein hwyliau cyffredinol. Mae modd i ddiffyg cwsg amharu ar ein swyddogaethau gwybyddol, emosiynol a chorfforol.
Gwiriwch eich lles cwsg eich hun trwy lenwi holiadur y GIG - dilynwch y ddolen hon, dim ond ychydig funudau mae'n ei gymryd a byddwn ni'n trafod hyn yn ystod y sesiwn.
Hoffech chi dderbyn yr hyfforddiant yma drwy gyfrwng y Gymraeg? Hoffwn / Na Hoffwn
Mae angen o leiaf 6 person i gymryd rhan ym mhob cwrs ac mae hyn yn berthnasol i bob cwrs, waeth beth yw’r dewis iaith. Yn anffodus, os bydd llai na 6 o bobl, fydd y cwrs ddim yn rhedeg gan ei bod hi'n rhy ddrud i'w gynnal o dan y fath amgylchiadau. Gofynnwn yn garedig i chi hefyd rhoi digon o rybudd os na fyddwch chi'n gallu dod i ryw gwrs penodol rydych chi wedi cadw lle ar ei gyfer (5 diwrnod fan hwyraf), er mwyn inni benderfynu p'un ai i fwrw ymlaen â chynnal y cwrs neu beidio.
Sicrhewch eich bod chi'n cwblhau hunanasesiad cwsg y GIG cyn dod i'r gweithdy.
Mae'n gwbl gyfrinachol a byddwn ni'n gofyn i chi am gael rhannu'ch sgôr, os byddwch chi eisiau gwneud hynny. Byddwn ni’n cyhoeddi sgoriau’n ddienw.
Awgrymiadau ar gyfer cael gwell cwsg i
weithwyr sifftiau, gan y sleep foundation.
'Hylendid' cwsg a strategaethau ar gyfer eich plant, gan y sleep foundation.
Fideo ioga 7 munud ar gyfer noson dda o gwsg.
Ap myfyrio sy'n cynnwys ymarferion anadlu ac ymlacio yn ogystal ag ymarferion cysgu.
Gwybodaeth a chymorth i bobl y mae chwyrnu ac apnoea cwsg yn effeithio
arnyn nhw.
Gwybodaeth, awgrymiadau a chyngor ar wella cwsg gan y GIG.
Mae'r Samariaid ar gael 24/7 i unrhyw un sydd angen siarad. Ffoniwch nhw nawr ar 116123