The RCT Source

Mae pobl yn cyflawni'n well pan fyddan nhw'n driw iddyn nhw eu hunain. Mae cynghreiriaid yn defnyddio eu swyddogaeth mewn sefydliad i greu diwylliant lle y mae modd i hyn ddigwydd.

Egwyddorion ein Rhwydwaith yw:

·         Datblygu triniaeth deg

·         Sicrhau bod pawb yn cael cydraddoldeb llawn yn y gweithle

·         Herio diwylliannau lle nad oes modd i bobl fod yn driw iddyn nhw eu hunain

·         Bod yn eiriolwr diduedd dros gydweithwyr lle bo angen.

Bod yn Gynghreiriad

Does dim ffordd gywir neu anghywir o fod yn gynghreiriad. Y cyfan sydd ei angen yw bod eich credoau am bwysigrwydd tegwch a chydraddoldeb i'w gweld yn yr hyn rydych chi'n ei wneud a'i ddweud. Mae modd i chi ddangos eich cefnogaeth a bod yn gynghreiriad gweithredol drwy wneud rhai o'r pethau isod:

·         Bod yn weladwy – rhowch wybod i bobl eich bod chi'n gynghreiriad

·         Siarad yn gadarnhaol am y rhesymau pam eich bod chi'n ymrwymo i gydraddoldeb

·         Herio iaith ac ymddygiad annerbyniol yn y gweithle

·         Bod yn gefn i gydweithwyr nad oes modd iddyn nhw fod yn driw iddyn nhw eu hunain yn y gweithle, a dangos iddyn nhw sut i wneud hynny.

·         Rhoi cymorth i rwydweithiau staff eraill

·         Cefnogi a hyrwyddo ymgyrchoedd cydraddoldeb trwy godi ymwybyddiaeth

·         Annog pobl eraill i fod yn gynghreiriaid

·         Bod yn rhan o ddiwrnodau ymwybyddiaeth, boreau coffi ac achlysuron cydraddoldeb

·         Gwrando ar straeon a'u rhannu.